УрсодекC®
Бауырдың, өт қалтасының жұмысын және холестериндік тастарды еріту арқылы өт жолдарының өткізгіштігін қалпына келтіруге көмектесетін урсодезоксихол қышқылы негізіндегі препарат.
НҰСҚАУЛЫҚ
УРСОДЕКСТІ ҚАЛАЙ ҚАБЫЛДАУ КЕРЕК®
-
Капсуланы тұтастай қабылдау керек
-
Күніне бір рет қабылдауға болады
-
Емдеу ұзақтығы аурудың дәрежесіне және дәрігердің ұсынысына байланысты
-
Дәрігердің рецептісіз жіберіледі
-
Бауыр ауруы кезінде күніне 3 рет қабылдау
-
Өт қалтасының және өт шығару жолдарының аурулары кезінде түнге қарай күніне 1 рет
ҚАБЫЛДАУ КАЛЬКУЛЯТОРЫ
НӘТИЖЕСІ
Капсула саны:
Урсодекс нұсқаулығы®
Бір капсуланың құрамында:
Белсенді зат: 250.00 мг урсодезоксихолий қышқылы.
Қосымша заттар: микрокристалды целлюлоза, натрий лаурилсульфаты, кремнийдің коллоидты сусыз қостотығы, натрий кроскармеллозасы, магний стеараты, тальк.
Желатинді капсуланың құрамы: желатин, натрий лаурилсульфаты, макрогол 6000, мұзды сірке қышқылы, титанның қостотығы (Е 171).
Өлшемі № 0, ақ түсті қатты желатинді капсулалар. Капсулалардың ішіндегісі – ақ немесе ақ дерлік түсті ұнтақ.
- Өт қалтасы қызмет атқарып тұрған жағдайда өт қалтасындағы диаметрі 15 мм аспайтын холестериндік рентген-негативтік тастарды еріту үшін
- Билиарлық рефлюкс-гастритті емдеу үшін.
- 6 жастан 18 жасқа дейінгі балаларда муковисцидозбен байланысты гепато-билиарлық бұзылуларды емдеу үшін.
- Кешенді емнің құрамында: декомпенсация белгілері жоқ кезде бауырдың бастапқы билиарлық циррозын (ББЦ) емдеу үшін.
- Өт қалтасының немесе өт жолдарының жедел қабыну аурулары, өт қалтасының эмпиемасы.
- Өт жолдарының бітелуі (жалпы өт жолдарының немесе қалта жолдарының).
- Бауыр шаншуының жиі көріністері.
- Рентгеноң (құрамында кальций мөлшері жоғары) өт тастары.
- Өт қалтасы жиырылғыштығының бұзылулары.
- Препарат компоненттеріне немесе өт қышқылдарына аса жоғары сезімталдық.
- 6 жасқа дейінгі балаларға.
- Өт шығару жолдарының атрезиясы бар балаларда: сәтсіз порто- энтеростомия немесе өттің ағып шығуының бұзылуы.
Атап айтқанда, жүктіліктің Ι триместрінде урсодезоксихолий қышқылын қолданудың қауіпсіздігі жөнінде жеткілікті деректер жоқ. Урсодекс® препаратын жүктілік кезінде қолданбау керек.
Емдеуді бастап алдында жүктіліктің бар-жоқтығын анықтау керек. Ұрпақ өрбітетін жастағы әйелдерге препаратты сенімді контрацепция жағдайында ғана тағайындау керек.
Урсодезоксихолий қышқылының емшек сүтіне өтуге қабілеттілігі туралы нақты деректер жоқ болғандықтан, бала емізу кезінде Урсодекс® препаратын қолданбаған дұрыс. Препаратты қолдану қажет болған жағдайда бала емізуді тоқтату керек.
Бала туатын жастағы әйелдерге, Урсодекс® препаратымен емделу кезінде контрацепцияның гормондық емес құралдарын немесе құрамында эстроген мөлшері төмен пероральді гормоналдық контрацептивтерді қолдану ұсынылады.
Ішке. Капсулаларды тұтастай, шайнамай, аздаған мөлшердегі сумен ішіп қабылдау керек. Урсодекс® препаратын қолданар алдында өзіңіздің емдеуші дәрігеріңізбен кеңесіңіз.
Бастапқы билиарлық циррозды емдеу үшін
Препараттың тәуліктік дозасы науқастың дене салмағына тәуелді, және 3 капсуладан 7 капсулаға (1 кг дене салмағына 14±2 мг урсодезоксихолий қышқылы) дейін ауытқып отырады.
Емдеудің алғашқы 3 айында препаратты қабылдауды күні бойына бөлген дұрыс. Бауыр көрсеткіштері жақсарғаннан кейін препараттың тәуліктік дозасын бір рет, кешкілік қабылдауға болады.
Капсулаларды шайнамай, аздаған мөлшердегі сумен ішіп қабылдау керек. Капсулаларды 250 мг-ден жүйелі түрде қабылдау керек. Бастапқы билиарлық циррозды емдеу үшін Урсодекс® капсулаларын 250 мг дозада шектеусіз уақыт мерзімі бойына қолдануды жалғастыра беруге болады.
Бастапқы билиарлық циррозы бар пациенттерде сирек жағдайларда, емнің басында клиникалық симптомдары нашарлай түсуі мүмкін, мысалы, қышыну жиілеуі мүмкін. Ондай жағдайда емделуді, Урсодексті® күнделікті бір капсуладан қабылдай отырып жалғастыру, одан әрі дозасын біртіндеп (тәуліктік дозасын апта сайын бір капсулаға арттыра отырып), ұсынылған дозалау режиміне қайта жеткенше арттыру керек.
Өттегі холестериндік тастарды еріту үшін
Дене салмағына күнделікті 10 мг/кг тәуліктік дозасында, ол келесілерге сәйкес келеді:
- Дене салмағы 60 кг дейінгі пациенттерде Урсодекстің® 2 капсуласына
- Дене салмағы 80 кг дейінгі пациенттерде Урсодекстің® 3 капсуласына
- Дене салмағы 100 кг дейінгі пациенттерде Урсодекстің® 4 капсуласына
- Дене салмағы 100 кг асатын пациенттерде Урсодекстің® 5 капсуласына
Капсулаларды күніне бір рет, ұйықтар алдында, шайнамай және аздаған мөлшердегі сумен ішіп қабылдау ұсынылады.
Өт тастарының еруі үшін қажетті уақыт тастың өлшемі мен құрамына байланысты 6 айдан 24 айға дейін ауытқып отыруы мүмкін. Әр 6 ай сайын емнің тиімділігін ультрадыбыстық немесе рентгенологиялық тексерудің көмегімен бақылап отыру керек. Келесі тексеріс кезінде тастардың кальцинозы туындамағанын тексеру керек. Егер ол орын алған жағдайда, емдеу тоқтатылуы тиіс. Егер 12 ай өткен соң тастардың көлемі кішіреймесе, емдеуді жалғастырмау керек.
Билиарлық рефлюкс-гастритті емдеу үшін
Күнделікті 250 мг-ден (1 капсуладан) тағайындайды, шайнамайды және кешкілік, ұйықтар алдында аздаған мөлшердегі сумен ішеді. Емдеу курсы 10-14 күнді құрайды. Жалпы алғанда, қолдану ұзақтығы аурудың ағымына тәуелді.
Пациенттердің ерекше топтары
6-18 жас шамасындағы балалар
Муковисцидоз
Дозасы: тәулігіне 20 мг/кг, қажет болса, әрі қарай тәулігіне 30 мг/кг дейін арттырылады
Урсодекс® дәрілік препаратын стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар.
Жиі:
- паста тәрізді нәжіс;
- диарея.
Өте сирек:
- бастапқы билиарлық циррозды емдеу кезінде іш тұсының оң жағының қатты ауыруы;
- өт тастарының кальцийленуі;
- бастапқы билиарлық цирроздың препаратты тоқтатқаннан кейін ішінара регрессияланатын кейінгі сатыларын емдеу кезіндегі бауыр циррозының декомпенсациясы;
- есекжем.
Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек: Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz.
Артық дозаланған жағдайда диарея болуы мүмкін. Артық дозалануының басқа симптомдарының ықтималдығы аз, өйткені урсодезоксихолий қышқылының дозасын арттырған кезде оның сіңуі азаяды, және сәйкесінше, оның көп мөлшері нәжіспен экскрецияланады.
Емі – препараттың дозасын азайту; тұрақты диарея жағдайында – препаратты тоқтату, сұйықтық пен электролиттер теңгерімін қалпына келтіруге бағытталған симптоматикалық ем.
Урсодексті® холестираминмен, колестиполмен, немесе құрамында алюминий бар антацидтермен бір мезгілде қолданбау керек, өйткені ол препараттар ішекте урсодезоксихолий қышқылын байланыстырады және, демек, оның сіңуі мен тиімділігін тежейді. Егер құрамында жоғарыда көрсетілген заттардың қандай да біреуі бар препаратты тағайындау қажет болса, онда оны қабылдауды, Урсодекс® капсулаларын қабылдағанға дейін кемінде 2 сағат бұрын немесе қабылдағаннан кейін 2 сағаттан соң жүзеге асыру керек.
Циклоспориндер
- Циклоспорин урсодезоксихолий қышқылының аш ішекте сіңірілуін арттырады, сондықтан, қандағы циклоспорин деңгейін жүйелі түрде бақылап отыру және қажет болған жағдайда – оның дозасын түзету керек;
Ципрофлоксацин
- Жекелеген жағдайларда урсодезоксихолий қышқылы ципрофлоксациннің сіңірілуін төмендетуі мүмкін;
Гиполипидемиялық препараттар (клофибрат, безафибрат, пробуцол), эстрогендер
- Өтте холестерин деңгейінің жоғарылауы салдарынан, аталған препараттар урсодезоксихолий қышқылының әсерін төмендетуі және өт қалтасында тастардың түзілуін стимуляциялауы мүмкін.
Айрықша нұсқаулар
Урсодекс® препаратын тек дәрігердің қадағалауымен қолдану керек!
Емдеудің алғашқы 3 айы бойына әр 4 апта сайын бауырдың функционалдық параметрлерін бақылап отыру және аспартатаминотрансфераза (АСТ), аланинаминотрансфераза (АЛТ) және гамма-глутамилтрансфераза (ГГТ) белсенділігін анықтау керек, әрі қарай мұндай тестілерді әр 3 ай сайын жүргізіп отыру ұсынылады. Аталған параметрлерді мониторингілеу бауыр функциясының бұзылуларын бастапқы сатыларында, атап айтқанда – бастапқы билиарлық цирроздың кейінгі сатыларындағы пациенттерде анықтауға мүмкіндік береді; бұдан өзге, осылайша бастапқы билиарлық цирроз бар пациенттің жүргізіліп жатқан емге реакция беретін-бермейтіндігін жылдам анықтауға болады.
Өт қалтасының холецистограммасын жүргізу мүмкін болмағанда, кальцийленген конкременттер болғанда, өт қалтасының моторлық белсенділігінің бұзылыстарында немесе билиарлық шаншулар жиілегенде Урсодексті® тағайындамау керек.
Әйелдер Урсодекс® 250 мг капсулаларын өттегі холестериндік тастарды еріту үшін пайдаланған кезде контрацепцияның тиімді гормондық емес әдісін пайдалануы тиіс, өйткені гормоналдық контрацептивтер өт тастарының түзілуін арттыруы мүмкін.
Өттегі холестериндік тастарды еріту үшін қолданғанда емдік әсерін бағалау және өт тастарының кальцификациясын дер кезінде анықтау үшін, әр 6-10 ай сайын ультрадыбыстық тексерудің немесе холецистографияның көмегімен өт қалтасының тұрған және шалқадан жатқан қалыптағы жай-күйін тексеру керек. Өт тастары кальцификациясының белгілері болған жағдайда емдеуді тоқтату керек.
Бастапқы билиарлық цирроздың кейінгі сатыларындағы пациенттерді емдегенде бауыр циррозы декомпенсациясының өте сирек жағдайлары байқалып, препаратты тоқтатқаннан кейін ол ішінара регрессияланған.
Бастапқы билиарлық циррозы бар пациенттерде, сирек жағдайларда, емнің басында клиникалық симптомдары нашарлауы мүмкін, мысалы, қышыну ұлғаюы мүмкін. Ондай жағдайларда Урсодекс® 250 мг капсулаларының дозасы Урсодекс® 250 мг күніне бір капсуласына дейін азайтылуы, содан соң қайтадан біртіндеп арттырылуы тиіс.
Диарея дамыған жағдайда препараттың дозасын төмендету керек, ал тұрақты диарея жағдайында емдеуді тоқтату керек.
Дәрілік препараттың бір немесе бірнеше дозаларын өткізіп алғанда қажет болатын шаралар:
- Ұмытылған дозаның орнын толтыру үшін екі есе дозаны қабылдамаңыз.
Урсодекс® препараты көлік құралын немесе қауіптілігі зор механизмдерді басқару қабілетіне ешқандай әсер етпейді.
Ішінде препарат бар 10 капсуладан поливинилхлорид үлбір мен алюминий фольгадан жасалған пішінді ұяшықты қаптамаға салынған.
1,5 немесе 10 пішінді ұяшықты қаптамадан медициналық қолдану жөніндегі мемлекеттік және орыс тілдеріндегі бекітілген нұсқаулықпен бірге картоннан жасалған қорапшаға салынған.
Қорапшалар картоннан жасалған қораптарға салынады.
Сақтау мерзімі 3 жыл.
Жарамдылық мерзімі өткеннен кейін қолдануға болмайды!
Құрғақ, жарықтан қорғалған жерде, 30 °С-ден аспайтын температурада сақтау керек.
Балалардың қолы жетпейтін жерде сақтау керек!
Рецептісіз.
УРСОДЕКС ФОРТЕ НҰСҚАУЛЫҒЫ®
Бір капсуланың құрамында:
Белсенді зат – 500.00 мг урсодеоксихолий (урсодезоксихолий) қышқылы.
Қосымша заттар: микрокристалды целлюлоза, натрий лаурилсульфаты, натрий кроскармеллозасы, сусыз коллоидты кремнийдің қостотығы, магний стеараты, тальк.
Желатинді 00EL капсула құрамы: желатин, титанның қостотығы (Е 171).
Ақ түсті, қатты желатинді 00EL капсулалар. Капсулалардың ішіндегісі – ақ немесе ақ дерлік түсті ұнтақ.
- Өт қалтасының холестеринді тастарын еріту үшін. Холестеринді тастар рентгенограммада көлеңке ретінде көрінбеуі керек және
диаметрі 15 мм аспауы тиіс. Тастардың болуына қарамастан, өт қалтасының функциясы бұзылмауы тиіс. - 6-дан 18 жасқа дейінгі балаларда кистозды фиброзбен байланысты гепатобилиарлық бұзылуларды емдеу үшін.
- Кешенді ем құрамында: декомпенсация белгілері болмаған кезде бауырдың бастапқы билиарлық циррозында.
- Әсер етуші затқа, басқа өт қышқылдарына немесе қосымша заттардың кез келгеніне аса жоғары сезімталдық.
- Өт қалтасының немесе өт жүретін түтіктің жедел қабыну аурулары.
- Өт жүретін түтіктің бітелуі (жалпы өт түтігі немесе өт қалтасы түтіктері).
- Бауыр шаншуының жиі көріністері.
- Рентгеноң (кальций құрамы жоғары) өт тастары.
- Өт қалтасы жиырылғыштығының қабілетінің бұзылуы.
- 6 жасқа дейінгі балалар.
- Өт шығару жолдарының атрезиясы бар балалар: сәтсіз портоэнтеростомия, өттің қалыпты ағыны қалпына келмеген.
Жүктілік
Урсодезоксихолий қышқылын жүкті пациенттерде қолдану туралы деректер жоқ, немесе шектеулі. Жануарларға жүргізілген зерттеулер жүктіліктің ерте кезеңінде тератогендік әсердің болуын көрсетеді. Урсодекс Форте капсулаларын жүктілік кезінде аса қажет болмаса қолданбаған жөн. Бала көтеретін жастағы әйелдер препаратты тек сенімді контрацепцияның дәрілерін пайдалану аясында ғана қабылдаулары тиіс.
Бала емізу
Бала емізетін әйелдер сүтінде урсодезоксихолий қышқылының концентрациясы көп емес; сондықтан, емшекпен қоректендіру аясында балаларда жағымсыз реакциялардың туындау ықтималдығы аз. Препаратты қолданар алдында бала емізетініңіз немесе бала емізуді бастайтыныңыз жайлы дәрігерді хабардар етуіңіз қажет.
Пероральді. Капсулаларды шайнамай және аз мөлшердегі сұйықтықпен іше отырып, қабылдау керек.
Холестериндік өт тастарын еріту үшін:
Капсуланы ұйықтар алдында, күніне 1 рет қабылдау керек. Жүйелі түрде қабылдау керек.
Бастапқы билиарлық циррозды (ББЦ) емдеу үшін:
Капсулаларды күніне бірнеше рет қабылдау керек.
Холестериндік өт тастарын еріту үшін
Күнделікті дене салмағының 1 кг-на 10 мг урсодезоксихолий қышқылы есебінен тәуліктік дозада, келесілерге сай келеді:
500 мг урсодезоксихол қышқылы дене салмағы 60 кг-ға дейін пациенттерде 750 мг урсодезоксихолий қышқылы дене салмағы 61-ден 80 кг-ға дейінгі пациенттерде (1капсула Урсодекс® Форте, 500 мг және 1 капсула Урсодекс, 250 мг) 1000 мг урсодезоксихолий қышқылы дене салмағы 81-ден 100 кг-ға дейінгі пациенттерде 1250 мг урсодезоксихолий қышқылы дене салмағы 100 кг-ден астам пациенттерде (2 капсула Урсодекс® Форте, 500 мг және 1 капсула Урсодекс, 250 мг).
Бастапқы билиарлық циррозды (ББЦ) емдеу үшін
Препараттың тәуліктік дозасы пациенттің дене салмағына байланысты және 750-ден (1капсула Урсодекс® Форте, 500 мг және 1 капсула Урсодекс, 250 мг) 1750 мг-ға дейінгі (3 капсула Урсодекс® Форте, 500 мг және 1 капсула Урсодекс, 250 мг) урсодезоксихолий қышқылына ауытқиды (дене салмағының 1 кг-на 14±2 мг урсодезоксихолий қышқылы). Емдеудің алғашқы 3 айында Урсодекс® Форте 500 мг капсулаларын қабылдауды бір күн ішінде бірнеше қабылдауға бөлу керек. Бауыр көрсеткіштері жақсарғаннан кейін препараттың тәуліктік дозасын кешке бір рет қабылдауға болады.
Балалардағы (6 жастан 18 жасқа дейін) муковисцидозбен (кистозды фиброзы бар) байланысты гепатобилиарлық бұзылуларды емдеу үшін
Дозасы: 20 мг/кг/тәулік 2–3 қабылдауға, қажет болса әрі қарай 30 мг/кг/тәулік дейін ұлғайтумен
Пациенттердің ерекше топтары
Балалар
Балалар (6 жастан 18 жасқа дейін) үшін дозалау бойынша нұсқаулар жоғарыда муковисцидозбен (кистозды фиброзы бар) байланысты гепатобилиарлық бұзылуларды емдеуге арналған бөлімде келтірілген.
Егде жастағы пациенттер
Егде жастағы пациенттерде қолдану бойынша спецификалық нұсқаулар жоқ.
Бауыр жеткіліксіздігі бар пациенттер
Бауыр жеткіліксіздігі бар пациенттерде қолдану бойынша нақты нұсқаулар жоқ. Дегенмен, декомпенсацияланған бауыр циррозы бар пациенттерді емдеуге болмайды. Урсодекс® Форте, 500 мг капсулаларымен емдеу бауыр функциясы параметрлерінің мониторингін қоса, дәрігердің қадағалауымен жүргізілуі тиіс.
Бүйрек жеткіліксіздігі бар пациенттер
Бүйрек жеткіліксіздігі бар пациенттерде қолдану бойынша нақты нұсқаулар жоқ.
ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар.
Жиі:
- қамыр тәрізді нәжіс,
- диарея.
Өте сирек:
- ББЦ емдеу кезінде іштің оң жақ жоғарғы бөлігінде қатты ауырсыну;
- өт тастарының кальцийленуі; ББЦ емдеу кезінде кеш сатыларында
өте сирек жағдайларда бауыр циррозының декомпенсациясы
анықталды, ол емдеуді тоқтатқаннан кейін ішінара регрессияланған; - есекжем.
Белгісіз (қолда бар деректердің негізінде бағалау мүмкін емес):
- жүрек айнуы,
- бауыр трансаминазалары белсенділігінің жоғарылауы,
- аллергиялық реакциялар.
Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz
Артық дозаланғанда диарея болуы мүмкін. Артық дозалануының басқа симптомдары болуының ықтималдығы аз, себебі дозаның жоғарылауына қарай урсодезоксихолий қышқылының сіңуі азаяды, тиісінше нәжіспен көбірек шығарылады.
Диареяны емдеу: сұйықтық көлемі мен электролитті теңгерімнің орнын толтырумен симптоматикалық.
Урсодекс® Форте, 500 мг капсулаларын құрамында алюминий гидроксиді немесе смектит (алюминий оксиді) бар холестирамин, колестипол және антацидтермен бір уақытта қабылдамаған жөн, өйткені олар урсодезоксихолий қышқылының ішекте сіңірілуін төмендетеді және осылайша оның қорытылуы мен тиімділігін азайтады. Егер құрамында бұл заттардың ең болмағанда біреуі бар препараттарды пайдалану бәрібір қажет болса, оларды Урсодекс® Форте, 500 мг капсулаларын қабылдағанға дейін кемінде 2 сағат бұрын немесе кейін қабылдау керек.
Урсодезоксихолий қышқылы циклоспориннің ішектен сіңірілуіне әсер етуі мүмкін. Сондықтан, циклоспорин қабылдап жүрген пациенттерде дәрігер қандағы циклоспорин концентрациясын тексеруі және қажет болған жағдайда циклоспориннің дозасын түзетуі тиіс.
Жекелеген жағдайларда Урсодекс® Форте, 500 мг капсулалары ципрофлоксациннің сіңуін төмендетуі мүмкін.
Урсодезоксихолий қышқылы (500 мг/тәулік) мен розувастатинді (20 мг/тәулік) бір мезгілде қолдану қан плазмасындағы розувастатин деңгейінің сәл жоғарлауына әкелген. Бұл өзара әрекеттесудің клиникалық маңызы, оның ішінде басқа статиндерге қатысты белгісіз.
Урсодезоксихолий қышқылы нитрендипиннің, кальций антагонисінің шыңдық плазмалық концентрациясын (Сmax) және фармакокинетикалық «концентрация-уақыт» (AUC) қисығы астындағы ауданын азайтады. Нитрендипин мен урсодезоксихолий қышқылын бір мезгілде пайдалану нәтижелеріне мұқият мониторинг жүргізу ұсынылады. Нитрендипин
дозасын ұлғайту қажет болуы мүмкін.
Мұнымен қоса, дапсонның емдік әсерін төмендететіні туралы хабарланған.
Урсодезоксихолий қышқылы Р450 цитохромы CYP3А4 энзимдерін индукциялайды. Р450 цитохромы CYP3А4 субстраттарына жататын будесонидпен өзара әрекеттескенде индукциясы байқалмады.
Эстрогенді гормондар және клофибрат сияқты, қанда холестерин деңгейін төмендететін агенттер бауырда холестериннің секрециясын ұлғайтады, демек, өт тастары түзілуін стимуляциялауы мүмкін, ал бұл өт қалтасында тасты еріту үшін пайдаланылатын урсодезоксихолий қышқылына теріс әсері болып табылады.
Урсодезоксихолий қышқылы көлік құралдарын басқаруға және механизмдерді басқару қабілетіне әсер етпейді немесе бұл әсер өте аз.
Поливинилхлоридті үлбірден және алюминий фольгадан жасалған пішінді ұяшықты қаптамаға 10 капсуладан салады.
3, 6, 9 немесе 12 пішінді ұяшықты қаптамадан медициналық қолдану жөніндегі қазақ және орыс тілдеріндегі бекітілген нұсқаулықпен бірге картон қорапшаға салады.
Медициналық қолдану жөніндегі қазақ және орыс тілдеріндегі бекітілген нұсқаулықтағы ақпаратты қорапшаға жазуға рұқсат етіледі.
Дәрілік препараты бар қорапшалар картон қораптарға салады.
Қорапшаға салмай қаптауға рұқсат етіледі: пішінді ұяшықты қаптамалар медициналық қолдану жөніндегі қазақ және орыс тілдеріндегі бекітілген нұсқаулықтармен бірге картон қораптарға салынады, медициналық қолдану жөніндегі нұсқаулықтардың саны қаптамалардың санына қарай қоса салынады.
Сақтау мерзімі 2 жыл.
Жарамдылық мерзімі өткеннен кейін қолдануға болмайды!
Құрғақ, жарықтан қорғалған жерде 30ºС-ден аспайтын температурада сақтау керек.
Балалардың қолы жетпейтін жерде сақтау керек!
Рецептісіз.
